کراچی والیاں دے کول ترازو دے علاوہ کوئی آپشن نہیں،حافظ نعیم

کراچی(پنجابی میڈیاگروپ)امیر جماعت اسلامی کراچی حافظ نعیم الرحمان نے آکھیااے کہ کراچی والیاں دے کول ترازو دے علاوہ کوئی آپشن نہیں۔کراچی وچ پریس کانفرنس کردیاں ہویاں حافظ نعیم الرحمان دا کہنا سی کہ پیپلزپارٹی تے ایم کیو ایم انتخابی سروے وچ زیرو نیں، بلاول بھٹو پنجاب وچ جا کے تقریراں کر رہے نیں۔اونہاں نے آکھیا کہ ایہ جماعتاں 35ورھیاں توں مسلط نیں اونہاں نوں عوام مسترد کر دیوے ،عوامی سطح اُتے ایہ لوگ نکام ہو چکے نیں، ایہ چا ہندے نیں کہ لوگ ووٹ دین نہ جان، الیکشن کمیشن نوں نوٹس لینا چا ہیدا اے۔حافظ نعیم الرحمان دا کہنا سی کہ ڈسٹرکٹ سینٹرل وچ جماعت اسلامی نے کلین سوئپ کیتا، اورنگی ٹائون وچ وی مکمل کامیابی حاصل کیتی، وڈیریاں دی سوچ کل وی اوہی سی اج وی وہی اے، سندھ دے لوگ اونہاں دے خلاف نکلن، ووٹ دی شرح گھٹ کران دی سازش ہو رہی اے، ایہ چاہندے نیں کہ لوگ ووٹ نہ دین جان۔