آئی لو یو فیصل آباد والو،نوازشریف

فیصل آباد(بیورورپورٹ)قائد مسلم لیگ ن میاں نوازشریف ہوراں آکھیاکہ اسیں جیہڑی گل کردے ہاں اوہ پوری کرنا جان دے ہاں۔فیصل آباد دھوبی گھاٹ گرائونڈ وچ جلسے نال خطاب کردیاں ہویاں قائد ن لیگ نوازشریف دا کہنا سی کہ آئی لو یو فیصل آباد والو میرے کول الفاظ نہیں میں کس طرح تہاڈا شکریہ ادا کراں۔تہاڈے شہر وچوں2 موٹر وے لَنگدیاں نیں، فیصل آباد وچ میٹرو دے نال اورنج لائن وی شروع کراں گے۔قائد ن لیگ داکہنا سی کہ ساڈھے دور وچ سونا50ہزار روپے تولہ سی، اوس ویلے ساڈھے مخالف دھرنے دے رہے سن تے اسیں اَت گردی ختم کر رہے ساں، اسیں بلین ٹری والے نہیں ہاں، اسیں جیہڑی گل کہند ے ہاںاوہ کرنا جان دے ہاں۔نواز شریف دا کہنا سی کہ پی ٹی آئی نے50لکھ گھراں تے 1کروڑ نوکریاں دین دا وعدہ کیتا، کیا ایس جلسہ وچ موجود کسی نوں گھر ملیا؟ کیا بے روزگاری ختم ہوگئی؟جلسے وچ موجود کوئی 1 شخص ہتھ چُک دے جس نوں گھر ملیا ہوئے؟اونہاں دا کہنا سی کہ ایہ یوتھ ممی ڈیڈی والی نہیں اے، ایہ یوتھ ن لیگ دے نال اے، میرے کول الفاظ نہیں ، میں بس ایس یوتھ نوں ایہ آکھاںگا فیصل آباد زندہ باد۔قائد ن لیگ دا ہور کہنا سی کہ شہباز شریف صاحب! 5 ورھیاں بعد ایتھے کوئی بے روزگار نظر نہیں آنا چاہیدا،ایتھے ہر بندے کول روزگار ہونا چاہیداتے تھے میٹرو بس ہی نہیں بلکہ اورنج لائن ٹرین وی دوڑدی نظر آنی چا ہیدی اے۔