پیپلزپارٹی ہی مسائل حل کرسکدی اے،بلاول بھٹو

شکارپور(بیورورپورٹ)چیئرمین پیپلزپارٹی بلاول بھٹو نے آکھیا اے کہ عوام جان دی اے کہ پیپلزپارٹی ہی مسائل حل کرسکدی اے، سازش نوںنہیں مان دے، اسیں کہندے ہاں نہ کھپے، میاں صاحب نہ کھپے،شکار پور وچ الیکشن مہم دوران جلسہ عام نال خطاب کردیاں ہویاں چیئرمین پیپلزپارٹی بلاول بھٹودا کہنا سی کہ تُسی پہلاں وی ساڈھے اُتے اعتماد کیتا سی، ساڈھی حکومت آئے گی تے بینظیر بھٹو دے نامکمل مشن نوں مکمل کراں گے۔اونہاں نے آکھیا کہ اسیں نوجواناں لئی روزگارداانتظام کراں گے، تہاڈے جیہڑے مسائل ہون گے تہاڈے نال مل کے اونہاں دا حل کڈ لاں گا، صرف پیپلز پارٹی عوام دے مسائل حل کر سکدی اے۔چیئرمین پیپلزپارٹی دا کہنا سی کہ شکارپور دی عوام جان دی اے ملک مشکل وچ اے ، اسیں1 تریخی معاشی بحران توں لنگ رہے ہاں،اسیں معاشی معاہدہ تیار کیتا اے،عوام چاہندی اے کہ ایسی حکومت بنے جیہڑی روزگار دے سکے۔بلاول بھٹو نے ہور آکھیا کہ پیپلزپارٹی اج نہیں3نسلاں توں غربت دا مقابلہ کررہی اے، پیپلزپارٹی دی حکومت آئے گی تے قائدعوام دانامکمل مشن پوراکراں گے، ساڈھے مخالف تہانوں لسانیت دی بنیاد اُتے تقسیم کرناچاہندے نیں،تقسیم تے نفرت دی سیاست کرن والیاں نوںبھرپور جواب دیاں گے،تیر اُتے مہرلائو۔