پاکستان کسی دی جاگیر نہیں،خواجہ سعد رفیق

لہور(پنجابی میڈیا )رہنما مسلم لیگ ن و سابق وفاقی وزیر خواجہ سعد رفیق نے آکھیا کہ پاکستان کسی دی جاگیر نہیں تے نہ ہی پاکستان وچ کسی انتہا پسند دی لوڑ اے، کسی دے گمراہ کن نعریاں وچ نہ آئو۔مسلم لیگ ن ورکرز کنونشن نال خطاب کردیاں ہویاںرہنما مسلم لیگ ن خواجہ سعد رفیق نے آکھیا کہ لہور والیاں نے کِدی وی نواز شریف تے شہباز شریف دا ساتھ نہیں چھڈیا، ایس لئی نواز شریف تے شہباز شریف نے وی عوام دا ساتھ کَدی نہیں چھڈیا۔اونہاں نے آکھیا کہ ن لیگ پاکستان وچ ترقیاتی کماں دا سوچ دی اے، اج پاکستان نوں نفرت دے ٹیکے لان والی قیادت نہیں چاہیدی، کوئی ہور جماعت ایس بارے وچ نہیں سوچ دی، پورے پاکستان وچ ترقیاتی کماںدی گل ہوئے گی تے صرف(ن)لیگ دی گل ہوئے گی۔خواجہ سعد رفیق نے آکھیا کہ اج بانی پی ٹی آئی جیل وچ بیٹھے نیں اسیں تے کوئی خوشی نہیں منائی ، ایہ اپنے دور وچ مٹھائیاںوَنڈے سن، خوشیاں منا ندے سن، نواز شریف نے پاکستان وچ آ کے آکھیا میں اپنافیصلہ اللہ تعالی اُتے چھڈیا، میں نے کسی نال بدلے دی سیاست نہیں کرنی۔