لوگ بھٹو، بینظیردی سوچ اُتے چلنا چاہندے نیں،شرجیل میمن

حیدرآباد(بیورورپورٹ)پاکستان پیپلز پارٹی دے مرکزی رہنما شرجیل میمن نے آکھیا اے کہ لوگ انتقام تے نفرت دی سیاست دا ہمیشہ لئی خاتمہ چاہندے نیں، لوگ ذوالفقار بھٹو تے بینظیر بھٹو دی سوچ اُتے چلنا چاہندے نیں۔میڈیا نال گل کردیاں ہویاں شرجیل انعام میمن نے آکھیا کہ پیپلز پارٹی ولوں4فروری نوں بلاول بھٹو لئی پروگرام دااہتمام کیتا جا رہیا اے، ایہ پروگرام انتہائی تریخی پروگرام ہوئے گا، عوام ایس پروگرام نوں کامیاب کرے گی، عوام اپنے قائد دا عظیم الشان استقبال کرن جا رہی اے۔اونہاں نے آکھیا کہ عوام دا شعور جاگ گیا اے، ایس وار قوی امکان اے کہ ساریاں سیٹاں جت جاواں گے، پیپلز پارٹی ہر سیٹ توں کامیاب ہوئے گی، پنجاب تے کے پی وچ وڈھی کامیابی ملے گی۔شرجیل انعام میمن نے آکھیا کہ سب جاندے نیں کہ بانی پی ٹی آئی نے ملک نوں بدترین معاشی بدحالی وچ مبتل کیتا، نواز شریف تے بانی پی ٹی آئی اپنی”میں” توں باہر نہیں نکلے، عوام روٹی، کپڑا، مکان، گیس تے بجلی منگ رہی اے، آصف زرداری کہندے نیں کہ عوام نوں روٹی، کپڑا تے مکان دیو۔