پیپلزپارٹی نے زمین تے ضمیر ویج کے50ہزار ارب کمائے،خالد مقبول صدیقی

حیدرآباد(بیورورپورٹ)متحدہ قومی موومنٹ پاکستان دے کنوینر ڈاکٹر خالد مقبول صدیقی نے آکھیا کہ پیپلزپارٹی نے زمین ویچ کے اپنا ضمیر ویچ کے50ہزار ارب روپے کمائے۔حیدر آباد وچ انتخابی جلسے نال خطاب کردیاں ہویاں اونہاں نے آکھیا کہ اسیں بینظیر نوں2واروزیراعظم بنایا فیر ساڈھے اُتے ہی آپریشن شروع کردتا گیا، پیپلزپارٹی یاد رکھنا تینوں بخشاں گے نہیں،حیدر آباد والیو اج تیردفن ہون دادن اے۔ خالد مقبول صدیقی نے آکھیا کہ اج تُسی پکے قلعہ دا گرائونڈ بھر کے ایہ سوچن اُتے مجبور کردتا کہ جشن کیھتے منایئے، اج حیدرآباد والیو تہانوں ویکھ کے تہاڈا دشمن اپنی موت آپ مرگیا اے، تُسی اپنے نال 50،50،100،100 لوگ لے جا کے ووٹ پانا اے۔