محسن نقوی3ورھیاں لئی بلامقابلہ چیئرمین پی سی بی منتخب

لہور(پنجابی میڈیا)نگران وزیراعلی پنجاب محسن نقوی پاکستان کرکٹ بورڈ (پی سی بی) دے بلامقابلہ نویں سربراہ منتخب ہو گئے۔پی سی بی ذرائع مطابق محسن نقوی دے مقابلے تے مصطفی رمدے نے کاغذات نامزدگی جمع کرائے سن، مصطفی رمدے دی محسن نقوی دے حق وچ دستبرداری بعد محسن نقوی بلا مقابلہ سربراہ پی سی بی منتخب ہوئے۔نگران وزیر اعلی محسن نقوی دی بطور چیئرمین پاکستان کرکٹ بورڈ 3ورھیاں لئی تقرری ہوئی اے، پی سی بی دے بورڈ آف گورنر دے ممبراں نے کرکٹ بورڈ دے نویں سربراہ دا انتخاب کیتا۔پی سی بی چیئرمین دے انتخاب لئی بی او جی دے اجلاس دی صدارت کرکٹ بورڈ دے قائم مقام چیئرمین شاہ خاور نے کیتی۔محسن نقوی وزیر اعلی پنجاب دے عہدے توں دستبردار ہون دے بعد بطور پی سی بی چیئرمین فرائض سنبھالن گے، چارج سنبھالن تک شاہ خاور ہی پاکستان کرکٹ بورڈ دے سربراہ رہن گے۔