بلاول یاشہبازوزیراعظم بن سکدے نیں،منظوروسان دی پیش گوئی

کراچی (بیورورپورٹ)پاکستان پیپلزپارٹی دے سینئررہنما منظوروسان نے پیش گوئی کیتی اے کہ بلاول ، زرداری یا شہبازشریف وزیر اعظم بن سکدے نیں۔پی پی رہنما منظور وسان نے حکومت سازی بارے 1ہور خواب ویکھن دے بعد پیش گوئی کیتی اے کہ وفاق سنے ملک دے 2 صوبے پنجاب تے بلوچستان وچ اتحادی حکومتاں بنن جارہیاں نیں۔اونہاں نے آکھیا کہ پی پی نوں سندھ وچ اکثریت ملن نال حکومت بنان وچ کسی قسم دی کوئی رکاوٹ نہیں اے جدکہ پی پی وفاق تے بلوچستان وچ وی مضبوط اے، پی پی پنجاب وچ وی آزاد امیدوار یا ن لیگ نال مل کے حکومت بنان دی پوزیشن وچ اے۔رہنما پیپلز پارٹی نے ہورآکھیا کہ نواز شریف تے مریم نواز دوردور تک وزیراعظم بن دیاں نظر نہیں آ رہے ، شہباز شریف یا پھربلاول بھٹو زرداری دے وزیراعظم بنن دے امکان روشن نیں، اگر جوڑ توڑ نہ ہویا تے آزاد امیدوارنوں وی وزیراعظم دا عہدہ مل سکدا اے۔اونہاں نے ہورآکھیا کہ گرینڈ ڈیموکریٹک الائنس(جی ڈی اے)ختم ہو چکی اے، مستقبل وچ جی ڈی اے پیپلز پارٹی وچ ضم ہو جائے گی۔