بابراعوان نے الیکشن2024 نوںملکی تریخ دا متنازع ترین الیکشن قراردتا

اسلام آباد(بیورورپورٹ)پاکستان تحریک انصاف دے رہنمابابراعوان نے الیکشن2024 نوں ملکی تریخ دامتنازع ترین الیکشن قرار دتا۔الیکشن کمیشن دے باہر میڈیا نال گل بات وچ بابراعوان دا کہنا سی کہ ایہ پاکستانی تریخ دے سب توں متنازع الیکشن ہوئے، 2ورھیاں تک پری پول دھاندلی ہُندی رہی فیر یحیی خان ماڈل آیا،اسیں سرگودھا تے فیصل آباد توں امیدواراں دے نتجے نوں چیلنج کیتا اے، ساڈھے امیدوار اینہاں ساریاں حلقیاں وچ جتے نیں۔اونہاں نے آکھیا کہ نواز شریف8فروری توں ہُن تک بلٹ دے زور اُتے جتن دی کوشش کر رہے نیں، بانی پی ٹی آئی الیکشن وچ بھاری اکثریت نال جتے نیں، الیکشن وچ اسیں179حلقیاں وچ اکثریت اُتے نیں۔بابراعوان دا ہور کہنا سی کہ اسیں9فروری دے فیصلے نوں نہیں مَن سے،آسٹریلیا ، امریکہ تے برطانیہ نے9 فروری نوں مسترد کیتا اے، بینگن جت گیا لندن توں آیا شیر ہارگیا۔