این اے46 اسلام آباد توں لیگی امیدوار دی کامیابی دا حتمی نتیجہ جاری

اسلام آباد(بیورورپورٹ)ریٹرننگ افسر این اے 46 اسلام آباد نے مسلم لیگ ن دے امیدوار انجم عقیل خان دی کامیابی دا حتمی نتیجہ جاری کردتا۔عام الیکشن وچ مسلم لیگ ن دے انجم عقیل خان 82ہزار536 ووٹ لے کے کامیاب ہوئے جدکہ آزاد امیدوار عامر مسعود 46ہزار313 ووٹ لے کے دُوجے نمبر اُتے رہے۔جماعت اسلامی دے امیدوار میاں محمد اسلم 12ہزار17 ووٹ لے کے تریجے نمبر اُتے رہے جدکہ پیپلز پارٹی دے امیدوار راجا عمران اشرف 8ہزار33 ووٹاں نال چوتھے نمبراُتے رہے۔واضح رہے کہ عام الیکشن وچ مسلم لیگ ن 75نشستاں حاصل کرن وچ کامیاب ہوئی اے جدکہ تحریک انصاف دے حمایت یافتہ آزاد امیدواراں نے92نشستاں حاصل کیتیاں۔