اقداماں دا تسلسل رہیا تے ارباں ڈالر ریونیو ہوئے گا،ڈاکٹرعمرسیف

اسلام آباد(بیورورپورٹ)نگران وزیرآئی ٹی ڈاکٹر عمرسیف نے آکھیا اے کہ ساڈھے سارے اقداماں دا تسلسل برقرار رکھیا گیا تے ارباں ڈالرزریونیو حاصل ہو سکدااے۔وزارت انفارمیشن ٹیکنالوجی دے اعلامیہ مطابق ایہہ گلاںاونہاں نے آئی ٹی ایسوسی ایشن (پاشا) دی تقریب نال خطاب کردیاں ہویاں کیتیاں۔عمرسیف دی الیکشن2024 وچ قومی تے صوبائی اسمبلیاں دے ساریاں نو منتخب ارکاناںنوں مبارکباد ددیندیاں ہویاں آکھیا کہ حکومت داچھیتی قیام ملک وقوم تے معاشی استحکام لئی ضروری اے۔ آئی ٹی وٹیلی کام سیکٹر پاکستان دی معیشت وچ ریڑھ دی ہڈی دی ونگوں نیں،اونہاں نے ہور آکھیا کہ ساڈھیاں پالیسیاں نال پچھلے60دناں وچ آئی ٹی ایکسپورٹ وچ32فیصد داریکارڈ ودھا ہویا۔آئی ٹی سیکٹر لئی شاندار خدمتاں اُتے ڈاکٹر عمر سیف نوں خراج تحسین پیش کر دیاں ہویاں آکھیاکہ ڈاکٹر عمر سیف دے اقداماں نال آئی ٹی سیکٹر دااعتماد بحال تے ایکسپورٹ وچ ریکارڈ ودھاہویا اے۔