ق لیگ حکومت بنان لئی ن لیگ دے نال شامل ہون نوں تیار

لہور(پنجابی میڈیا)حکومت سازی لئی مسلم لیگ ق دے سربراہ چوہدری شجاعت حسین دی رہائش گاہ اُتے سیاسی سرگرمیاں شروع ہو گئیاں۔ذرائع مطابق مسلم لیگ ن دے قائد میاں نواز شریف دی اج چوہدری شجاعت حسین نال ملاقات دا امکان اے جس وچ رسمی گل بات ہوگئی۔ذرائع دا کہنا اے کہ ق لیگ حکومتی عمل وچ شامل ہون نوں تیار اے، پیپلز پارٹی تے ن لیگ دے نال ق لیگ دے تعلقات بہتر نیں۔ن لیگ دے نال ق لیگ دی سیٹ ایڈجسٹمنٹ نہ ہون اُتے وی تعلقات استوار رہے،ق لیگ دے آصف زرداری نال وی چنگے تعلقات نیں،ق لیگ وفاق تے پنجاب وچ حکومت دا حصہ ہوئے گی۔ذرائع دا کہنا اے کہ نواز شریف چوہدری شجاعت توں وفاق تے پنجاب وچ حکومت سازی لئی تعاون دی درخواست کرن گے۔