حماس یو این ایجنسی دے ہیڈکوارٹر دے نیچے کمانڈ سرنگ چلا رہیا اے، اسرائیل دا دعوی

غزہ(نیوز ڈیسک)اسرائیلی فوج نے دعوی کیتا اے کہ فلسطینیاںنوں امداد فراہم کرن والی اقوام متحدہ دی ایجنسی انروا دے غزہ ہیڈکوارٹر دے نیچے حماس دی طویل سرنگ موجود اے۔خبر رساں ادارے رائٹرز دی اک رپورٹ مطابق اسرائیلی فورس نے سینکڑاں میٹر طویل سرنگ دا نیٹ ورک دریافت کرن دا دعوی کیتا اے جس نوں انروا دے غزہ وچ قائم ہیڈکوارٹر دے نیچے نال جزوی طور اُتے چلایا جا رہیا سی۔رپورٹ مطابق اسرائیل نے ایس سرنگ نوں حماس ولوں فلسطینیاں لئی امدادی ایجنسی دے استحصال دا نوا ثبوت قراردتا اے۔اسرائیلی فوج ولوں میڈیا نوں وکھائی گئی سرنگ دے حوالے نال اسرائیل دا کہنا اے کہ ایہ 700 میٹر لمبی تے 18 میٹر گہری سرنگ اے۔