پنجاب اسمبلی دے8آزاد ارکاناںدے نال ن لیگ تے آئی پی پی دا رابطہ

لہور(پنجابی میڈیا)پنجاب وچ حکومت سازی لئی پاکستان مسلم لیگ ن تے استحکام پاکستان پارٹی (آئی پی پی)نے صوبائی اسمبلی داالیکشن جتن والے8 آزاد ارکاناں نال رابطہ کیتا اے۔ذرائع مطابق ن لیگ دے صدر شہباز شریف نے پنجاب اسمبلی دے آزاد ارکاناں نال رابطہ کیتا اے، دُوجے پاسے استحکام پاکستان پارٹی دے جہانگیر ترین نے وی آزاد ارکاناں نال رابطہ کیتا اے۔ذرائع دا کہنا اے کہ آزاد ارکاناں وچ غضنفر چھینہ، شہاب الدین سیہڑ، تیمور امجد، غضنفر قریشی، علی رضا خاکوانی، امیر محمد حسن خیلی، جہانزیب خان کھچی تے صاحبزادہ غزین عباسی شامل نیں۔ذرائع دا کہنا اے کہ آزاد ارکاناں نال ن لیگ تے آئی پی پی قائدین دیاں اج ملاقات دا وی امکان اے، شہباز شریف نال رابطے دے بعد پنجاب دے8آزاد ارکاناں دا اجلاس ہویا، اجلاس وچ دوناں جماعتاں دے نال رابطیاں بارے تبادلہ خیال کیتا گیا۔ذرائع دا دسنا اے کہ اجلاس وچ آزاد ارکاناں نے حکومت سازی وچ مل کے کردار کرن اُتے اتفاق کیتا اے۔