میرے لئی پاکستان ہی سب کجھ اے،نگراں وزیراعظم

اسلام آباد(بیورورپورٹ)نگراں وزیراعظم انوارالحق کاکڑ نے آکھیااے کہ میرے لئی پاکستان ہی سب کجھ اے۔وفاقی کابینہ دے اجلاس وچ گل بات کردیاں ہویاں انوار الحق کاکڑ نے آکھیاکہ ہر مشکل صورتحال توں نمٹن وچ کابینہ تے اسٹاف نے بھرپور معاونت کیتی، وزیرِ اعظم آفس تے ہاؤس دے ساریاں افسراں تے اسٹاف دے تعاون اُتے مشکور ہاں۔اونہاں نے آکھیا کہ ملٹری سیکریٹری نے بہترین پیشہ وارانہ انداز وچ اپنیاں ذمے داریاں نبھایاں۔انوار الحق کاکڑ نے آکھیاکہ کابینہ سیکرٹری تے ہور بیوروکریٹس دی موجودگی ساڈھے لئی قابل فخر اے،کابینہ سیکریٹری نے جس انداز وچ خدمتاں سر انجام دتیاں اوہ خراج تحسین دے مستحق نیں۔