نامزدوزیراعلیٰ مریم نواز نال انتظامی افسراں دی ملاقات

لہور(پنجابی میڈیا) پاکستان مسلم لیگ (ن) دی چیف آرگنائزر و نامزد وزیر اعلیٰ پنجاب مریم نواز نال انتظامی افسراں دی ملاقات دا سلسلہ جاری اے ۔چیف سیکرٹری پنجاب زاہد اختر زمان ،انسپکٹر جنرل پلس ڈاکٹر عثمان انور تے مختلف محکمیاں دے سیکرٹریاں نے پچھلے دناں وی جاتی امرا رائیونڈ وچ نامزد وزیر اعلیٰ پنجاب مریم نواز نال ملاقات کر کے صوبے دے انتظامی امور ،امن و امان تے محکمانہ امور بارے تفصیلی بریفنگ دتی۔ ذرائع دے مطابق مریم نواز نال سیکرٹری داخلہ، سیکرٹری خزانہ، سیکرٹری انڈسٹریز، سیکرٹری خوراک، سیکرٹری زراعت تے سیکرٹری سی اینڈ ڈبلیو نے وی ملاقات کیتی ۔