وزیرخزانہ دا فیصلہ کرنا مسلم لیگ(ن) دا حق اے،ندیم افضل چن

اسلام آباد(بیورورپورٹ) پاکستان پیپلز پارٹی دے رہنما ندیم افضل چن نے آکھیا اے کہ نویں حکومت وچ وزیرخزانہ دافیصلہ کرنا مسلم لیگ(ن) دا حق اے لیکن گورنر پنجاب دا فیصلہ پیپلز پارٹی کرے گی۔اک انٹرویو وچ ندیم افضل چن نے آکھیا کہ بلوچستان وچ مل کے حکومت بناواں گے تے سیاسی ڈائیلاگ شروع کراں گے۔اونہاں نے آکھیا کہ نویں حکومت دے نال بھرپور تعاون دا فیصلہ ہویا اے تے اسیں پارلیمان وچ حکومتی پالیسی اُتے رائے داں گے۔اونہاںنے آکھیاکہ نویں حکومت وچ وزیر خزانہ کس نوں بنانا اے ایہ فیصلہ کرنا مسلم لیگ(ن) دا حق اے جدکہ گورنر سندھ دا فیصلہ وی مسلم لیگ(ن)کرے گی۔پیپلز پارٹی دے رہنما نے آکھیا کہ پنجاب وچ مقامی حکومتاں دے نظام وچ قنون سازی ہوئے گی،مسلم لیگ(ن) نوں احساس اے کہ عوام نوں تبدیلی چا ہیدی اے۔