نومنتخب اراکان دی حلف برداری لئی پنجاب اسمبلی دااجلاس طلب

لہور(پنجابی میڈیا)نومنتخب اراکان اسمبلی دی حلف برداری لئی پنجاب اسمبلی دااجلاس اج(جمعہ)23فروری نوں سدھ لیا گیا۔گورنر پنجاب محمد بلیغ الرحمن نے پنجاب اسمبلی دااجلاس بلان دی سمری اُتے دستخط کردتے ۔ اسمبلی دا اجلاس اج (جمعہ)سویرے 10 وجے ہوئے گا ایس حوالے نال سارے نومنتخب اراکان اسمبلی نوں آگاہ کردتا گیا۔سدھے جان والے اجلاس وچ نومنتخب ارکان حلف چُکن گے ۔نومنتخب ارکان دی حلف برداری بعد اسپیکر نویں اسپیکر تے ڈپٹی اسپیکر دے الیکشن داشیڈول دیون گے۔کاغذات فائنل ہون دے بعد اک دن دے وقفے نال انتخاب ہوئے گا۔