نویں حکومت دے باوجود ملکی حالات خراب ہون گے، فوادچودھری

راولپنڈی(بیورورپورٹ)سابق وفاقی وزیرفوادچودھری نے آکھیا اے کہ نویں حکومت دے باوجود ملکی حالات خراب ہون گے، بہتری نہیں آئے گی۔راولپنڈی کچہری وچ میڈیا نال گل بات کردیاں ہویاں سابق وفاقی وزیر فواد چودھری نے آکھیا کہ پاکستانی عوام اک پاسے کھڑی اے تے حکومت دُجے پاسے کھڑی اے۔صحافی نے سوال کیتا کہ ن لیگ تے پیپلز پارٹی حکومت بنان جا رہی اے؟جس اُتے فواد چودھری نے جواب دتا کہ ایہ چوں چوں دا مربہ تے پی ڈی ایم ٹو اے۔دُوجے پاسے عدالت نے فواد چودھری دے جوڈیشل ریمانڈ وچ12مارچ تک توسیع کردتی۔جج دے رخصت ہون پاروںکیس دی سماعت بغیر کارروائی ملتوی کردتی گئی، فواد چودھری اُتے ہاوسنگ سوسائٹی توں مبینہ رشوت وصولی دا الزام اے۔