190 ملین پانڈزکیس:بانی پی ٹی آئی تے بشری بی بی اُتے فردجرم عائد

راولپنڈی(بیورورپورٹ)احتساب عدالت نے190ملین پانڈزکیس وچ بانی پی ٹی آئی تے اونہاں دی گھر والی بشری بی بی اُتے فرد جرم عائد کردتی۔راولپنڈی دی احتساب عدالت دے جج ناصر جاویدرانانے اڈیالہ جیل وچ کیس دی سماعت کیتی،بشری بی بی نوں بنی گالا سب جیل توں اڈیالہ جیل منتقل کرکے عدالت وچ پیش کیتا گیا۔بانی پی ٹی آئی ولوں بیرسٹرسلمان صفدر، عمیر نیازی تے ہوروکیل عدالت وچ پیش ہوئے جدکہ نیب دے ڈپٹی پراسیکیوٹرسردارمظفرعباسی اپنی ٹیم دے ہمراہ عدالت وچ پیش ہوئے۔جج ناصرجاویدرانانے بانی پی ٹی آئی تے اونہاں دی گھر والی بشری بی بی اُتے فردجرم عائد کیتی،احتساب عدالت دے جج نے کمرہ عدالت وچ ملزماں دی موجودگی وچ فردِ جرم پڑھ کے سُنائی۔عدالت نے آئندہ سماعت اُتے استغاثہ دے5گواہواں نوںسدھ دیاں ہویاںہور سماعت6مارچ تک ملتوی کردتی۔