صدرعارف علوی اُتے آئین توڑن دے2مقدمے ہونے چاہیدے نیں ،بلاول بھٹو

اسلام آباد(بیورورپورٹ)پاکستان پیپلزپارٹی دے چیئرمین بلاول بھٹوزرداری نے آکھیا اے کہ میراخیال اے کہ صدرعارف علوی اُتے آئین توڑن دے 2 مقدمے ہون گے، اونہاں لئی بوہت سارے قنونی مسائل بنن والے نیں ۔اسلام آباد وچ سپریم کورٹ دے باہر گل کردیاں ہویاں اونہاں دا کہنا سی کہ آصف زرداری نوں صدرمملکت منتخب کرواواں گے، صدر منتخب ہو کے آصف زرداری اپنے گورنرخود فائنل کرن گے ۔بلاول بھٹو نے آکھیا کہ سیاستدان اک دُوجے دی عزت نہیں کردے اینہاں نوں فیصلہ کرنا ہوئے گا کہ اوہ سیاست دے دائرے وچ رہ کے سیاست کرن، چاہندے ہاں کہ ادارے آئینی دائرے وچ رہ کے کم کرن، دائرے توں باہر جا کے سیاست کراں گے تے 9 مئی جہے واقعات ہون گے۔