اسدقیصردا سائفر دی عدالتی تحقیقات دامطالبہ

اسلام آباد(بیورورپورٹ)رہنما تحریک انصاف(پی ٹی آئی)اسدقیصر نے سائفر دی عدالتی تحقیقات دا مطالبہ کردتا۔قومی اسمبلی دے اجلاس نال خطاب کر دیاں ہویاں اسد قیصر نے آکھیا کہ چیئرمین پیپلزپارٹی بلاول بھٹو نے سائفر اُتے گل بات کیتی، سائفر اُتے ساڈھا واضح موقف اے کہ جوڈیشل کمیشن بنایا جائے، حقیقت سامنے آجائے گی۔اونہاں نے آکھیا کہ ساڈھے سفیر نوں بلا کے انتہائی برا رویہ اپنایا گیا، کیا ایہ سب سائفر نوں جھوٹا نہیں کہندے سن؟ لیکن فیر اوسی سائفرنوں بنیاد بنا کے سزاواں دتیاں گئیاں۔اونہاں دا کہنا سی کہ عوام نوں مایوس کرن لئی بانی پی ٹی آئی اُتے14،14گھنٹے عدالت وچ پروسیڈنگ ہندی اے، کوشش ہُندی اے گن پوائنٹ اُتے سزا دلائی جائے۔