امدادلئی ساریاں گذرگاہواں کھولن تے تے رکاوٹاں ختم کرن دامطالبہ

مقبوضہ غزہ(نیوزڈیسک)اقوام متحدہ دی سلامتی کونسل نے غزہ وچ نابلسی رائونڈ اباٹ قتل عام دیاں رپورٹاں اُتے اپنی گہری تشویش ظاہرکردیاں ہویاں خبردارکیتا کہ جنگ پاروں غزہ وچ22لکھ لوکاں نوں قحط دے خطرے دا سامنا اے۔غیرملکی خبررساں ادارے مطابق اک بیان وچ سلامتی کونسل نے اسرائیل نال مطالبہ کیتا کہ اوہ غزہ دی پٹی وچ شہریاں نوں مناسب انسانی امداد دی فوری رسائی وچ سہولت فراہم کرے۔بیان وچ ہورآکھیا کہ جنگ پاروں غزہ دے22لکھ لوکاں نوں غذائی عدم تحفظ دا سامنا اے۔کونسل نے اسرائیل اُتے زوردتا کہ اوہ غزہ تک امداد پہنچان لئی سرحدی گزرگاہواںنوں کھلا رکھے تے انسانی ضرورتاں نوں پورا کرن لئی اضافی کراسنگ کھولن وچ سہولت فراہم کرے۔اوس دیاں تنظیماں تے عہدیداراں نے وی اک توں وَدھ وارآکھیا کہ اسرائیل محصور تے گنجان آباد غزہ دی پٹی وچ فاقہ کشی نوں جنگی ہتھیار دے طوراُتے استعمال کر رہیا اے۔فلسطین دے ساحلی علاقے وچ جنگ شروع ہون دے بعدوں جس وچ2.4ملین توں وَدھ فلسطینی آباد نیں اسرائیل نے محاصرہ کر رکھیااے۔