پیپلزپارٹی داکابینہ وچ شامل ہونا حکومت لئی چنگا شگون ہوئے گا،خواجہ آصف

اسلام آباد(بیورورپورٹ) پاکستان مسلم لیگ (ن) دے رہنما خواجہ آصف نے آکھیا اے کہ پیپلز پارٹی دا کابینہ وچ شامل ہونا حکومت لئی چنگا شگون ہوئے گا،اگر3وڈھیاںجماعتاں کابینہ دا حصہ بنن تے ذمے داریاں وَنڈیاںجان گیاں، 3وڈھے صوبیاں توں سیاسی جماعتاں ہون گیاں تے کابینہ چنگی ہو جائے گی، کابینہ دا سائز وڈھا نہیں ہونا چاہیدا۔پارلیمنٹ ہائوس وچ صحافیاں نال گل بات کردیاں ہویاں خواجہ آصف نے آکھیا کہ اگر3وڈھیاں جماعتاں کابینہ دا حصہ بنن تے ذمے داریاں وَنڈیاں جان گیاں،3وڈھے صوبیاں توں سیاسی جماعتاں ہون گیاں تے کابینہ چنگی ہو جائے گی، کابینہ دا سائز وڈھا نہیں ہونا چا ہیدا۔اونہاں نے آکھیا کہ وفاق وچ تعلیم تے صحت جہیاں وزارتاں صوبیاںنوں منتقل ہونیاں چاہیدیاں نیں، 10 توں12وزارتاں صوبیاں نوں منتقل کرن لئی بلاول دی حمایت کرداہاں، ضلعی حکومتاں مضبوط کرن نال اسمبلی ممبراں دا بوجھ گھٹ ہوئے گا،کراچی دی ضلعی حکومت مضبوط کرن بارے آئینی ترمیم ہونی چا ہیدی اے،کراچی وڈھا شہر اے، دنیا وچ وڈھے شہراں اندر مضبوط مقامی حکومتاں نیں۔