نہ ساڈھالیڈرجُھکیااے تے نہ اسیں جُھکاں گے،عمران خان کوئی سمجھوتہ نہیں کرن گے،اسد قیصر

اسلام آباد(بیورورپورٹ)پی ٹی آئی دے حمایت یافتہ سنی اتحاد کونسل دے اسد قیصر نے سائفر اُتے جوڈیشل کمیشن بنان دا مطالبہ کردیاں ہویاںآکھیا اے کہ نہ ساڈھالیڈرجھکیا اے،نہ اسیں جُھکاں گے، بُھل جان ایہ گل، ایہ تے شروعات اے، اسیںسارے حالات توں نکل چکے ہاں۔اسد قیصر نے قومی اسمبلی دے اجلاس دوران آکھیاکہ ساڈھا موقف اے کہ سائفر دے معاملے اُتے جوڈیشل کمیشن بنایئے، ایہ لوگ تے کہندے سن کہ سائفر جھوٹ داپلندہ اے،کیا ایہ نہیں کہندے سن کہ سائفر نہیں اے ایہ جھوٹ دا پلندہ اے، اک دن وچ14-14گھنٹے عدالتی کارروائی چلدی رہی۔اونہاں نے آکھیاکہ سمجھ نہیں آ رہی کہ14،14 گھنٹے عدالتی پروسیڈنگز چلدیاں رہیاں، ایس لئی کہ الیکشن دے دوران ورکراں نوں مایوس کیتا جائے، گن پوائنٹ اُتے اونہاں نوں سزا سنائی گئی، حکومت توں مطالبہ کراں گا کہ سائفراُتے جوڈیشل کمیشن بنائے۔اونہاںنے آکھیاکہ ساڈھے صدارتی امیدوار محمود اچکزئی دے گھراُتے چھاپے دی مذمت کردا ہاں، پچھلے دناں پیغام دتا گیا اے کہ کوئی اسمبلی وچ تقریر کرے گا تے اوس دے نال ایہ ہوئے گا۔