عمر ایوب مریم نواز اُتے گل کرن لگے تے مائیک بندکردتاگیا

اسلام آباد(بیورورپورٹ)پاکستان تحریک انصاف دے رہنما عمر ایوب مریم نواز اُتے گل بات کرن لگے تے اونہاں دامائیک بندکر دتا گیا۔تفصیل دے مطابق عمرایوب تے پی ٹی آئی دے ارکان اسپیکر ڈائس اُتے چلے گئے جس دے بعد اسپیکر نے اونہاں نوں دوبارہ گل کرن دی اجازت دے دتی۔قومی اسمبلی اجلاس دے دوران اظہار خیال کردیاں ہویاں عمر ایوب نے مطالبہ کردیاں ہویاں آکھیا کہ پنجاب وچ ساڈھا اک نو عمر سیاسی ورکرزخمی ہویا، آئی جی پنجاب نوں ہٹایا جائے، ایس معاملے اُتے ذمے داری وزیرِ اعلی پنجاب مریم نواز اُتے عائد کیتی جائے۔عمر ایوب نے آکھیا کہ میری تقریر براہ راست نہیں وکھائی گئی، میں وزارت عظمی دا امیدوار ساں، پچھلے دناں میری تقریر بار بار روکی گئی، شہباز شریف دی تقریر نہیں روکی گئی، کیااوہ آسمان توں اُترے سن اونہاں دی تقریر نہیں کٹی گئی، ایس اُتے میں تحریک استحقاق پیش کر رہیا ہاں۔