عمران خان اُتے اعتبار کس بنیاد اُتے کیتا جائے ،خواجہ سعد رفیق

اسلام آباد(پنجابی میڈیا)پاکستان مسلم لیگ (ن) دے رہنما خواجہ سعد رفیق نے آکھیا اے کہ پاکستان تحریک انصاف نفرت، تعصب، جھوٹ، تقسیم تے تشدد توں برت دااعلان کرے تاکہ رستے کھل سکن۔سماجی رابطے دی ویب سائٹ ایکس اُتے اک بیان وچ اونہاںنے آکھیاکہ جنرل مشرف توں جنرل راحیل شریف تے فیر جنرل قمر باجوہ تک دے تیناں دوراں وچ جناب کپتان (عمران خان)نے اسٹیبلشمنٹ دے در دولت نال رشتہ جوڑ کے اقتدارلئی کھیڈ رچائی تے تریجی کوشش وچ کامیاب قرار پائے۔اونہاں نے سوال کیتا کہ عمران خان اُتے اعتبار کیوں تے کس بنیاداں اُتے کیتا جائے ؟ گمراہی جھوٹ، نفرت تے سازش پھیلا کر لے جان والے ووٹ نوں کیوں تے کس طرح معتبر منیا جائے؟خواجہ سعد رفیق نے آکھیا کہ تُسی وی اپنیاں اداواں اُتے ذرا غور کرو۔