عورتاں دی سیفٹی لئی’’نیوراگین‘‘ایپ متعارف کرائی جائے گی،عظمی بخاری

لہور(پنجابی میڈیا) وزیراطلاعات پنجاب عظمی بخاری نے آکھیا اے کہ وزیراعلی پنجاب دی ہدایت اُتے عورتاں دی سیفٹی لئی’’نیوراگین‘‘ دے نام توں ایپ متعارف کرائی جائے گی۔صوبائی وزیر اطلاعات عظمی بخاری نے آکھیا اے کہ پہلی وارملک وچ عورت وزیراعلی بنی اے، عورتاں دے حوالے نال وزیراعلی پنجاب مریم نواز بوہت حساس نیں۔عظمی بخاری نے آکھیا اے کہ وزیراعلی پنجاب مریم نواز نے آکھیا کہ عورتاں دی سیفٹی لئی اک ایپ متعارف کرائی جائے،’’نیوراگین‘‘ دے ناں توں ایپ متعارف کرائی جائے گی جس نوں وزیراعلی پنجاب خود مانیٹر کرن گیاں۔اونہاں نے آکھیا کہ ملک وچ خواہ مخوا نان ایشوز نوںایشو بنایا جاندا اے، عورتاں دے تحفظ بارے جیہڑے وی اقدام نیں اوہ کراں گے۔