وزیراعظم شہبازشریف دی پوری قوم نوں شجر کاری مہم وچ بھرپور حصہ لین دی اپیل

اسلام آباد(بیورورپورٹ)وزیراعظم شہبازشریف نے ملک نوں محولیاتی خطریاں توں بچان لئی پوری قوم نوں شجر کاری مہم وچ بھرپور حصہ لین دی اپیل کر دیاں ہویاں آکھیا اے کہ پاکستان دنیا وچ موسمیاتی خطریاں دا سب توںوَدھ شکار پنجواں ملک اے، موسمیاتی تبدیلی دے خطریاں نال نمٹن لئی آگاہی ضروری اے ، ملک وچ جنگلات دارقبہ صرف 5 فیصد اے، ایس سال پودے لان دا ہدف دوگنا کیتا جائے گا۔ اوہ جمعہ نوں وزیراعظم ہائوس وچ موسم بہار دی ملک گیر شجر کار ی مہم دے شروع دی تقریب نال خطاب کررہے سن۔ایس موقع اُتے وزیرمملکت برائے انفارمیشن ٹیکنالوجی شزہ فاطمہ خواجہ وی موجود سن۔ وزیراعظم محمد شہبازشریف نے آکھیا کہ اونہاں نے پودالا کے پورے ملک وچ موسم بہار دی شجر کاری شروع کر دتا اے، ساڈھی پچھلی حکومت نے ملک بھر وچ درخت لان دا جیہڑاہدف مقرر کیتاسی، ایس ورھے لائے جان والے پودیاں دی تعداد دوگنا کراں گے۔