ایوان وچ مینڈیٹ چور بیٹھے نیں،اسیں اینہا نوں نہیں مَن دے، اسد قیصر

اسلام آباد (بیورورپورٹ)رہنما پاکستان تحریک انصاف اسد قیصر نے آکھیا اے کہ ایوان وچ مینڈیٹ چور بیٹھے نیں، اسیں اونہاں نوں نہیں مَن دے۔میڈیا نالگل بات کر دیاں ہو یاں اونہاںنے آکھیاکہ ایہ پارلیمان مجلس شوری بن گئی اے۔اونہاں نے دسیا کہ جس نے قومی اسمبلی دا رکن بننا اے اوس نوں چا ہیدا اے کہ الیکشن کمیشن نوں پیسے دیوے، منت سماجت کرے۔اونہاںنے آکھیا کہ قنون سازی پارلیمان داحق اے لیکن ایہ منتخب ایوان نہیں اے۔اسد قیصر نے دسیا کہ اسیں ایوان وچ بھرپور مزاحمت کراں گے،اسیں ملک نوں قائداعظم دا ملک بناواں گے،اسیں ملک وچ آئین و قنون دی حکمرانی نوں یقینی بناواں گے، اوہ دن نیڑے اے جَد خلق خدا طاقت وچ ہوئے گی۔اونہاں نے آکھیا کہ اسیں مزاحمت لئی خودنوں تیار کر رہے ہاں، ایوان وچ مینڈیٹ چور بیٹھے نیں، اسیں اونہاں نوں نہیں مَن دے۔ایس توں پہلاں بیرسٹر گوہر نے پریس کانفرنس نال خطاب کر دیاں ہویاں آکھیاکہ جس طرح اج قومی اسمبلی وچ بل پیش ہوئے نیں،ایہ غیر آئینی اے۔اونہاںنے آکھیاکہ قنون سازی پارلیمان دا حق اے، اج پہلا دن اے کہ حکومت نے رولز دی خلاف ورزی کرکے قنون سازی شروع کیتی اے، ایہ کرپٹ لوگ نیں ۔