چینی حکومت ولوں پاکستان نوں ہنگامی امداد فراہم

اسلام آ باد(بیورورپورٹ)پاکستان دے دفترِ خارجہ وچ منعقدہ تقریب وچ چینی حکومت ولوں شدید بارشاںپاروں ہون والی تباہی نال نمٹن لئی نقد ہنگامی امداد ،پاکستانی حکومت دے حوالے کیتی گئی ۔میڈ یا رپورٹ دے مطابق تقریب وچ پاکستان اندر چین دے سفیر جیانگ زی دونگ تے پاکستان دے سیکریٹری خارجہ سائرس سجاد قاضی نے رَلت کیتی۔ جیانگ زی دونگ نے آکھیا کہ خیبر پختونخواہ تے بلوچستان وچ موسلا دھار بارشاں نال شدید جانی و مالی نقصان ہویااے اوس اُتے ساہنوں دلی افسوس اے۔ وزیر اعظم شہباز شریف نے اپنا عہدہ سنبھالن دے اک دن بعد ہی امدادی کماںدی رہنمائی لئی گوادر دا دورہ کیتا جس دی اسیں تہہ دلوں تعریف کردے ہاں۔