لہور پلس ماہ صیام وچ پیشہ ورگداگراں دے خلاف سرگرم

لہور(پنجابی میڈیا)لہور پلس ماہ صیام وچ پیشہ ورگداگراں دے خلاف سرگرم عمل اے،ایس ضمن وچ ایس سال ہُن تک گداگری دے453مقدمے درج،452ملزم گرفتار کیتے گئے نیں۔ترجمان لہور پلس دے مطابق گداگری ایکٹ دی خلاف ورزی کرن والیاں وچ438مرد تے12عورتاں شامل نیں۔سٹی ڈویژن وچ گداگری دے116مقدم،کینٹ وچ 34، سول لائنز وچ 76، صدر وچ 96، اقبال ٹائون وچ 51جدکہ ماڈل ٹائون وچ 80مقدمے درج کیتے گئے نیں۔ سی سی پی او لہور بلال صدیق کمیانہ دا بھکاری مافیا دے خلاف کریک ڈاؤن دے حکم جاری کر دیاں ہویاں آکھیا اے کہ لہورپلس گداگراں دے ہینڈ لرزدے خلاف سخت کارروائی عمل وچ لیائے، ایس مہم وچ ٹریفک وارڈناں نوں وی شامل کیتا جائے۔