وزیراعظم نال قلعہ سیف اللہ بلوچستان توں تعلق رکھن والے طالب علم اکرام اللہ دی ملاقات

اسلام آباد (بیورورپورٹ)وزیراعظم محمد شہباز شریف نال قلعہ سیف اللہ، بلوچستان توں تعلق رکھن والے طالب علم اکرام اللہ نے اتوار نوںایتھے ملاقات کیتی اے۔ وزیر اعظم آفس میڈیا ونگ ولوں جاری اعلامیہ مطابق وزیراعظم نے اکرام اللہ دا وزیراعظم ہاوس وچ استقبال کیتا۔وزیراعظم محمد شہباز شریف نے آکھیاکہ سال2022 دے تباہ کن سیلاب پاروں میرے قلعہ سیف اللہ دے دورہ وچ اکرام اللہ مینوں خسنوب دے امدادی خیمے وچ ملیا سی، اکرام اللہ دا خاندان سیلاب نال شدید متاثر ہویا سی۔ اونہاں نے آکھیا کہ اکرام اللہ نے تعلیم حاصل کرن دے موقعدی عدم موجودگی اُتے غم و غصہ ظاہرکیتا سی،اکرام اللہ نے تَد اعلی تعلیم حاصل کرن دی خواہش ظاہر کیتی سی۔ وزیراعظم محمد شہباز شریف نے ہورآکھیا کہ مینوں اج ایہ ویکھ کے بے حد خوشی ہوئی اے کہ اکرام اللہ اک پُراعتماد، پر جوش، فرمانبردار تے سلجھیا ہویا طالب علم بن چکیا اے۔