پاکستان نے آئی ایم ایف دے نال آخری جائزے لئی ساریاں اہم شرطاں پوری کرلئیاں، وزارت خزانہ

اسلام آباد (بیورورپورٹ)ذرائع وزارت خزانہ نے آکھیا اے کہ پاکستان نے عالمی مالیاتی ادارے (آئی ایم ایف) دے نال آخری جائزے لئی ساریاں اہم شرطاں پوریاں کرلئیاں نیں۔ذرائع نے دسیا کہ آئی ایم ایف نے موجودہ پروگرام تحت تاحال کوئی نویں شرط عائد نہیں کیتی اے، شیڈول دے مطابق آخری جائزہ مذاکرات (آج)پیر نوں ختم ہوجان گے۔ذرائع نے دعویٰ کیتا کہ پاکستان تے آئی ایم ایف دے مذاکرات دی کامیابی دے امکان روشن نیں، محکمہ نوں عالمی مالیاتی ادارے دے نال آخری جائزہ مذاکرات دے مثبت نتائج موصول ہون دی امید اے،ہور دسیا کہ آئی ایم ایف دے نال مذاکرات تعمیری تے مثبت انداز نال جاری نیں۔ذرائع وزارت خزانہ دے مطابق پاکستان آخری جائزے لئی ساریاں اہم شرطاں پوریاں کرچکیا اے۔