اَت گردی ختم کرن لئی صدر آصف علی زرداری دے ویژن اُتے عمل دی لوڑاے ، شازیہ مری

اسلام آباد(بیورورپورٹ)سیکرٹری اطلاعات پیپلزپارٹی پارلیمنٹرینز شازیہ مری نے آکھیا اے کہ اَت گردی ختم کرن لئی صدر آصف علی زرداری دے ویژن اُتے عمل کرن دی لوڑ اے ۔ اپنے بیان وچ شازیہ مری نے آکھیاکہ محترمہ بینظیر بھٹو شہید دَس کے گئیاں سن کہ ات گرد ملک و قوم دے دشمن نیں ۔ شازیہ مری نے آکھیاکہ اَت گرداںدے ہتھوں شہید ہون والیاں دے خانداناں نال چیئرمین بلاول بھٹو زرداری دا درد والا رشتہ اے ۔ اونہاںنے آکھیا کہ اوہ لوگ قابل گرفت نیں جنہاں نے خیبرپختونخوا وچ اَت گرداں نوں دوبارہ وسایا ۔ شازیہ مری نے آکھیاکہ اَت گرداں دی بے رحمی نال سر کوبی کرکے دھرتی نوں پاک کرنا ضروری اے ۔ اونہاںنے آکھیاکہ دھرتی ماں دی حفاظت کر دیاں ہویاں جان دا نذرانہ دین والیاں دی توہین برداشت نہیں کراںگے ۔