شہدائے وطن دیاں لازوال قربانیاں نا قابل فراموش نیں،محسن نقوی

اسلام آباد(بیورورپورٹ)وفاقی وزیر داخلہ محسن نقوی نے آکھیا اے کہ میر علی وچ شہادت دا اُچا رُتبہ پان والے لیفٹیننٹ کرنل کاشف علی، کیپٹن محمد احمد بدرسنے7جوان پوری قوم دے ہیرو نیں، پاکستانی قوم اپنے بہادر سپوتاں نوں سلام پیش کر دی اے۔اتوار والے دن اپنے اک بیان وچ اونہاں نے آکھیا کہ پاک فوج دے جواناں اپنی قیمتی جاناں دا نذرانہ دے کے اَت گرداں دے مذموم عزائم نکام بنا ئے، پاک فوج دے افسراں تے جواناں نے اپنے قیمتی لہو نال اَت گردی خلاف جنگ وچ تریخ رقم کیتی اے۔محسن نقوی نے آکھیا کہ شہدائے وطن دیاں لازوال قربانیاں نا قابل فراموش نیں، شہداء ساڈھا فخر نیں تے شہیداں دیاں عظیم قربانیاں رائیگاں نہیں جان گیاں۔