اَت گرداں نوں منہ توڑ جواب دیاں گے ،آصف زرداری

اسلام آباد(بیورورپورٹ)صدر مملکت آصف علی زرداری نے میر علی ، شمالی وزیرستان وچ شہید ہون والے لیفٹیننٹ کرنل سید کاشف علی تے کیپٹن محمد احمد بدر دے جنازے وچ پچھلی رات رَلت کیتی تے شہیداںنوں خراج عقیدت پیش کیتا۔ ایوان صدر میڈیا ونگ ولوں اتوارنوں جاری اعلامیہ مطابق صدر مملکت آصف علی زرداری نے اَت گرداں نوں منہ توڑ جواب دین دے عزم دا عہد کر دیاں ہویاں آکھیا کہ ملک وچ اَت گرد کارروائیاں کرن والیاں نوں منہ توڑ جواب دیاں گے ، اَت گرداں توں جواناں دے بہائے گئے خون دا خراج لاں گے۔ اونہاں نے آکھیا کہ ساڈھے بہادر بھائی ، بیٹے تے دوست سرحداں دی حفاظت کررہے نیں ، وعدہ کردا ہاں کہ ساڈھے بیٹیاں دا خون رائیگاں نہیں جائے گا۔ صدر مملکت نے آکھیا کہ پاکستان دی عوام تے فوج اک نال اے ، اَت گرداں دا مقابلہ کراں گے۔