ضمنی الیکشن، آصفہ بھٹو نے کاغذات نامزدگی جمع کرادتے

نواب شاہ(بیورورپورٹ)قومی تے صوبائی اسمبلیاں دے ضمنی الیکشن لئی پی پی رہنما تے صدر آصف زرداری دی صاحبزادی آصفہ بھٹو نے کاغذات نامزدگی جمع کرا دتے نیں۔تفصیل دے مطابق 8 فروری نوں الیکشن دے بعد خالی ہون والیاں قومی تے صوبائی اسمبلیاں دیاں نشستاں اُتے الیکشن کمیشن نے آئندہ ماہ21 اپریل نوں ضمنی الیکشن کران دا اعلان کیتا سی جس لئی کاغذات نامزدگی جمع کران دا مرحلہ شروع ہو چکیا اے۔پاکستان پیپلز پارٹی دی رہنما تے صدر پاکستان آصف علی زرداری دی صاحبزادی آصفہ بھٹو نے نوابشاہ توں قومی اسمبلی دے حلقہ این اے 207 اُتے کاغذات نامزدگی جمع کرا دتے نیںآصفہ بھٹو نے آر او ایڈیشنل کمشنر ٹو شیر علی جمالی دے دفتر وچ کاغذات نامزدگی جمع کرائے۔ ایس موقع اُتے اونہاں دے ہمراہ صوبائی وزیر صحت عذرا پیچوہو تے وکیلاں دی ٹیم وی موجود سی۔