عمران خان نے 3 لوکاں دے ناں دَسے جنہاں توں زندگی نوں خطرہ اے،بیرسٹرگوہر

راولپنڈی(بیورورپورٹ)پاکستان تحریک انصاف دے چیئرمین بیرسٹرگوہر نے آکھیا اے کہ عمران خان دی زندگی نوں خطرہ اے تے اونہاں نے3 ناں دَسے نیں، بانی پی ٹی آئی دی حفاظتی ذمہ داری طاقتور لوکاں اُتے عائد ہندی اے۔اڈیالہ جیل دے باہر میڈیا نال گل بات کر دیاں ہویاں بیرسٹر گوہر علی خان نے ہورآکھیا کہ190ملین پانڈ ریفرنس وچ گواہ نے عدالت وچ من لیا کہ سرکاردا کوئی نقصان نہیں ہویا تے نہ بانی پی ٹی آئی نے کوئی فائدہ لیا۔ بانی پی ٹی آئی نے آکھیا کہ میرا جینا مرنا پاکستان لئی اے۔اونہاں نے آکھیا کہ اسیں اپنا مینڈیٹ واپس لین لئی کوشش کر رہے ہاں، ضمنی الیکشن لئی پنجاب دی12 تے کے پی دیاں 3سیٹاں لئی مہم شروع کر رہے ہاں۔ پنجاب تے کے پی وچ الیکشن بارے اُچیچی مہم چلائی جائے گی۔ سینٹ دے الیکشن لئی وی گل بات ہوئی، پنجاب وچ زلفی بخاری دا ناں فائنل ہویا، اگر اونہاں اُتے کوئی اعتراض ہویا تے علامہ ناصر عباس ہون گے۔بیرسٹر گوہر نے دسیا کہ کے پی وچ فیض الرحمن تے شفقت ایاز دا ناں فائنل کیتاگیا اے۔ٹیکنوکریت دی سیٹ اُتے اعظم سواتی دا ناں فائنل اے،نورالحق قادری وی ایڈیشنل دے طوراتے نیں۔