وزیراعظم دی چینی سفیر نال ملاقات،چینی باشندیاں دی ہلاکت اُتے اظہارتعزیت

اسلام آباد(بیورورپورٹ)وزیراعظم محمد شہباز شریف نے چینی سفارتخانے جا کے چینی سفیر نال ملاقات کیتی تے اونہاںنال بشام وچ اَتگرد حملے وچ5چینی باشندیاں دی ہلاکت اُتے تعزیت کیتی۔میڈیا دے مطابق پاکستان وچ تعینات چینی سفیر جیانگ زائیڈونگ توں5 چینی شہریاں دی ہلاکت اُتے تعزیت کر دیاں ہویاں وزیراعظم شہباز شریف نے آکھیا کہ میرے سنے پوری قوم دیاں ہمدردیاں چینی شہریاں دے گھر دیاںدے نال نیں۔اونہاں نے آکھیا کہ پاکستانی حکومت واقعے دی اعلی سطح اُتے تے چھیتی تحقیقات کرکے ذمہ داراں تے سہولت کاراںنوں قرارواقعی سزا دیوے گی۔شہباز شریف نے آکھیا کہ پاک چین دوستی نوں نقصان پہنچان دی ایسی مذموم کوششاں نوں کامیاب نہیں ہون دیاں گے،سی پیک دے دشمناں نے اک وار فیر توں ایسی بزدلانہ حرکت توں ایس متزلزل کرن دی سازش کیتی اے مگر دشمن اپنے ناپاک عزائم وچ کَدی کامیاب نہیں ہو سکدا۔وزیراعظم نے چینی سفیر توںآکھیا کہ اَت گردی دے ناسورنوں ختم کرن تک اوس دے خلاف جنگ جاری رکھاں گے۔ ایس دے علاوہ چینی سفیر نال گل بات وچ وزیرِ اعظم نے چینی صدر تے چینی وزیرِ اعظم لئی واقعے دے حوالے نال تعزیتی پیغام دتا۔