لہور ہائیکورٹ نے پرویز الہی نوں الیکشن لڑن دی اجازت دے دتی

لہور(پنجابی میڈیا)لہور ہائیکورٹ دے ایپلٹ ٹریبونل نے چودھری پرویز الہی نوں الیکشن لڑن دی اجازت دے دتی۔ایپلٹ ٹریبونل دے جج جسٹس شاہد کریم نے محفوظ فیصلہ سنایا، پرویز الہی نے پی پی 32 توں کاغذات نامزدگی مسترد کرن دا اقدام چیلنج کیتا سی۔الیکشن ٹریبونل نے سابق وزیر اعلی پنجاب چودھری پرویز الہی سنے ہورکاغذات نامزدگی مسترد کرن دے فیصلے کالعدم قرار دے دتے۔ٹریبونل ولوں فیصلے کالعدم قرار دین دے بعد زارا الہی، سمیرا الہی نوں وی الیکشن لڑن دی اجازت مل گئی۔