پاکستان اَت گردی خلاف پوری استقامت دے نال برسرپیکار اے،آئی ایس پی آر

راولپنڈی(بیورورپورٹ)انٹرسروسز پبلک ریلیشنز(آئی ایس پی آر) دے مطابق پاکستان اَت گردی خلاف فرنٹ لائن دے طور اُتے پوری استقامت تے عزم دے نال برسرپیکار اے۔پاک فوج دے شعبہ تعلقات عامہ دے مطابق پاکستان وچ حالیہ اَت گردی دے واقعات بزدلانہ کارروائیاں نیں، ایسیاں کارروائیاں دامقصد ملکی داخلی سلامتی صورتحال نوں غیرمستحکم کرنا اے۔آئی ایس پی آر دے مطابق مسلح افواج نے تربت تے گوادر وچ اَت گردی دی مذموم کوششاںنوں نکام بنایا۔پاک فوج دے شعبہ تعلقات عامہ دے مطابق بشام وچ ہون والے تازہ ترین واقعے وچ5چینی باشندیاں سنے6افراد ہلاک ہوئے، پوری قوم چینی بھائیاں دے نال کھڑی اے، ایسے بزدلانہ واقعے دی بھرپور مذمت کردے ہاں۔آئی ایس پی آر دے مطابق ایسی گھناونی کارروائیاں پاکستانی عوام، سکیورٹی فورسز تے ساڈھے شراکت داراں دے عزم نوں پست نہیں کر سکدیاں۔