مینوں جیل وچ رکھ لین مگر باقی رہنماواںنوں رہا کردین،عمران خان

راولپنڈی(بیوروپورٹ) پاکستان تحریک انصاف دے بانی نے آکھیا اے کہ اصل سائفر دفتر خارجہ وچ موجود اے،ساہنوں پیرا فریز کاپی دتی گئی سی۔اڈیالہ جیل وچ صحافیاں نال گل بات کر دیاں ہویاں بانی پی ٹی آئی نے آکھیا کہ سائفر گواچ گیا تے وزیراعظم اپنے آفس دا چوکیدار نہیں ہندا، وزیراعظم آفس دے کجھ سیکیورٹی پروٹوکول ہُندے نیں۔سابق وزیراعظم نے آکھیا کہ ڈونلڈ لو دے بیان اُتے دوبارہ انکوائری کروائی جائے، امریکی سفیر ملن جیل نہیں آئے، امریکی سفیر نال ملاقات ہوئی تے ڈونلڈ لو دے بیان تے امریکی سفارتخانہ دے کردار اُتے گل کراں گا۔اونہاں نے آکھیا کہ9 مئی واقعات دی تحقیقات تے8 فروری دے الیکشن لئی وَکھ وَکھ جوڈیشل کمیشن بنایا جائے، 9 مئی نوں بنیاد بنا کے اک سیاسی جماعت نوں ختم کیتا جارہیا اے۔