بانی پی ٹی آئی نوں کجھ ہویاتے اوس دی ذمے داری اسٹیبلشمنٹ اُتے عائد ہو ئے گی،بشریٰ بی بی

راولپنڈی (بیورورپورٹ)بشریٰ بی بی جیل توں عدالت وچ پیش ہون آیاں تے ایس موقع اُتے بانی پی ٹی آئی بشریٰ بی بی نوں صحافیاں نال گل بات کرن توں روکدے رہے،اوہ بشریٰ بی بی دا بازو پھڑ کے اونہاں نوں پیچھے لے گئے۔بشریٰ بی بی نے کمرہ عدالت وچ صحافیاں نال گل بات دے دوران آکھیا کہ بانی پی ٹی آئی نوں کجھ ہویا تے اوس دی ذمے داری اسٹیبلشمنٹ اُتے عائد ہوئے گی۔اونہاںنے آکھیاکہ پچھلی سماعت اُتے اڈیالہ جیل پیشی لئی آئی تے بنی گالہ وچ میرے شہد وچ کجھ ملایا گیا دی، میں شہد استعمال کردی ہاں، واپس جا کے شہد کھادا تے طبیعت وِگڑ گئی۔بشریٰ بی بی نے آکھیا کہ زندگی موت اللہ دے ہتھ وچ اے، بانی پی ٹی آئی ذہنی تے جسمانی طور اُتے مکمل فٹ نیں،اوہ عوام دی آواز تے ملک و قوم دی خاطر جیل وچ نیں۔اونہاں نے آکھیا کہ بانی پی ٹی آئی نوں کجھ ہویا تے عوام اونہاںنوں معاف نہیں کرے گی، بے ضمیر لوکاں نال نہیں با ضمیر لوکاں نال مخاطب ہاں۔