آزاد ریاست لئی فلسطینی بھائیاں دی جدوجہد دی حمایت جاری رکھاں گے، شہبازشریف

اسلام آباد(بیورورپورٹ)وزیراعظم محمد شہباز شریف نے غزہ وچ جنگ بندی لئی اقوام متحدہ دی سلامتی کونسل دی قرارداد نوں خوش آئندقرار دیندیاں ہویاں ایس امراُتے زوردتااے کہ ایس قرارداداُتے عملدرآمد ضروری اے، عملدرآمد دے بغیرایہ قرارداد بے مقصدہوئے گی،پاکستان آزادریاست نے اپنے فلسطینی بھائیاں دی جدوجہددی حمایت وچ بھرپورآوازچُک دا رہے گا ۔اوہ منگل نوںایتھوںوَدھ ٹیکس دین والے افراد،کمپنیاں تے برآمدکنندگان لئی ایکسی لینس ایوارڈ دی تقریب نال خطاب کر رہے سن۔وزیراعظم نے آکھیا کہ عالمی برادری غزہ وچ فوری جنگ بندی لئی سکیورٹی کونسل دی قرارداد اُتے عملدرآمد نوں یقینی بنائے،ایس قرداد اُتے عملدرآمد ضروری اے، اوس دے بغیر ایس قرارداد دا کوئی مقصد نہیں ہوئے گا۔اونہاں نے آکھیا کہ غزہ وچ نہتے فلسطینیاں اُتے جاری صہیونی ظلم وجبرنوں مستقل طور اُتے بند ہونا چا ہیدا اے۔