آئی جی پنجاب نے جیہڑیاںخدمتاں سرانجام دتیاںاونہاں لئی تمغہ تے بن دا سی،ڈاکٹر یاسمین راشد

لہور(پنجابی میڈیا)پاکستان تحریک انصاف دی سینئر رہنما ڈاکٹر یاسمین راشد نے آکھیا اے کہ آئی جی پنجاب نے جس طرح (ن) لیگ دے گھریلو ملازم ہون دا کردار اداکیتا اوس اُتے اونہاں نوں مبارک ہوئے،اونہاں نے جیہڑیاں خدمتاں سر انجام دتیاں اونہاںنوں تمغہ دینا تے بن دا سی،آئی جی پنجاب دی سربراہی وچ لوکاں دیاں عزتاں اُچھا لیاں گئیاں، گھراں دا تقدس پامال کیتا گیا، عورتاںدے نال بد ترین سلوک کیتا گیا۔ پی ٹی آئی دے میڈیا سیل مطابق جیل توں جاری خط وچ ڈاکٹر یاسمین راشد نے آکھیا کہ عورتاں سیاسی قیدیاں نوں جیلاں وچ رکھیا گیا، جنگ، بغاوت، قتل، اَت گردی دے جعلی پرچے کَٹے گئے ،اینہاں خدمتاں اُتے آئی جی پنجاب نوںتمغہ دینا تے بن دا سی ۔ اونہاں نے آکھیا کہ چیف الیکشن کمیشن دے نال زیادتی ہوئی جس دی مذمت کرنا چاہواں گی۔