فیصل آباد، پتنگ دی ڈور پھرن نال جاں بحق ہون والے آصف دی قاتل ڈور دا مالک گرفتار

مکوآنہ(بیوروپورٹ )فیصل آباد پلس نے پتنگدی ڈور پھرن نال جاں بحق ہون والے محمد آصف اشفاق دی قاتل ڈوردے مالک نوں تلاش کر کے گرفتار کر لیا۔سی پی او فیصل آباد محمد علی ضیا نے ایس سلسلے وچ پریس کانفرنس کر دیاں ہویاں دسیا کہ نوجوان آصف دی ڈور نال ہون والی موت دے المناک واقعے دے بعد وزیر اعلیٰ پنجاب ولوں ملزماںدی گرفتاری لئی48 گھنٹے دا ویلا دتا گیا سی۔اونہاں نے دسیا کہ پلس دے کول اک ڈور دے علاوہ کوئی سراغ نہیں سی لیکن پلس تفتیش دے دوران وقوعہ دے نیڑے اک چھت اُتے پتنگ بازی کرن والے عابد نامی شخص نوں تلاش کیتا گیا جس نے حراست وچ لئے جان دے بعد اقرار جرم کر لیا کہ اوس دی ڈور نال ہی آصف دی موت واقع ہو ئی جس اُتے اوہ خود وی بوہت پریشان سی۔