قیادت دا سوچیا اے نہ کپتان دی تبدیلی سے بہتری آئے گی: شاداب خان

لہور(پنجابی میڈیا)قومی کرکٹ ٹیم دے آل رانڈر شاداب خان نے آکھیا اے کہ میں قومی ٹیم دی قیادت بارے اجے کجھ نہیں سوچیا تے نہ کپتان بدلن نال کوئی بہتری آئے گی۔نجی ویب سائٹ نوں دتے گئے اک انٹرویودے دوران شاداب خان نے کپتان دی تبدیلی بارے خبراں اُتے ردعمل دیندیاںآکھیا کہ اسیں بوہت چھیتی چیزاں تبدیل کرن وچ لگ جا ندے ہاں کہ اک دی جگہ اُتے دُوجا لے آیئے تے معاملات ٹھیک ہوجان گے، میرے خیال وچ اک پراسیس اُتے یقین رکھنا چا ہیدا اے۔اونہاں دا کہنا سی کہ صرف کپتان دی تبدیلی نال چیزاں وچ بہتری نہیں آئے گی، اجے شاہین شاہ آفریدی نوں اک سیریز دتی گئی تے لوگ پیچھے لگ گئے نیں، اونہاں نوںہٹان دیاں گلاں ہو رہیاں نیں، میرے خیال وچ ایسا نہیں ہونا چا ہیدا، کَدی کَدار فوری طوراُتے چنگے نتائج نہیں وی آندے، اک ورھے موقع دتا جائے تے نتائج وی ملنا شروع ہوجاندے نیں۔