ہانیہ عامر نے وی عمرے دی سعادت حاصل کر لئی

ریاض(نیوزڈیسک)خوبرو اداکارہ ہانیہ عامر نے وی رمضان دے بابرکت مہینے وچ عمرے دی سعادت حاصل کر لئی۔ہانیہ عامر دا شمار پاکستان دی مشہور تے خوبصورت ترین اداکاراں وچ ہُندا اے،ہانیہ نے ناصرف اپنی خوبصورتی بلکہ ڈرامیاں تے فلماں وچ اپنی جاندار اداکاری نال وی شائقیناں دے دلاںنوں متاثر کیتا اے۔اداکارہ سوشل میڈیا اُتے کافی متحرک نیں، اپنی نت نویاں تصویراں تے ویڈیوز نال مداحاںنوں محظوظ کر دیاں نظر آندیاں نیں۔ہانیہ عامر وچ موجود کَدی نہ ختم ہون والی انرجی اونہاں دے فالووراں نوں سوشل میڈیا ذریعے اونہاں نال جوڑے رکھدی اے۔اداکارہ ہانیہ عامر نے اپنی حالیہ پوسٹ وچ عمرے توں لئیاں گئیاں کجھ تصویراں شیئر کیتیاں نیں جنہاں وچ اونہاں نے مدینہ تے مکہ وچ حرم شریف اندر ویکھیا جا سکدااے۔ہانیہ عامر ایس دوران وی کافی پرجوش تے نہایت خوش نظر آ رہیاں نیں، اداکارہ نے اپنی ایس پوسٹ دے کیپشن وچ لکھیا اے کہ’’الحمدللہ! رحمتاں بھرا جمعہ‘‘