سوشل میڈیا اُتے سب توں وڈھا چیلنج جعلی خبراں نیں،وفاقی وزیراطلاعات

اسلام آباد(بیورورپورٹ)وفاقی وزیر اطلاعات و نشریات عطااللہ تارڑ نے آکھیا اے کہ سوشل میڈیا اُتے سب توں وڈھا چیلنج جعلی خبراں نیں، صحافیاں نوں سوشل میڈیا اُتے تصدیق دے عمل نوں اپنانا چا ہیدا۔ ایہ گل اونہاں نے برطانوی ہائی کمیشن دی پولیٹیکل قونصلر مس زوئی ویئر نال ملاقات دے دوران گل بات کر دیاں ہویاں آکھیا۔ مس زوئی ویئر نے مسلم لیگ (ن)نوں حکومت دی تشکیل تے عطااللہ تارڑ نوں وزارت اطلاع دا قلمدان سنبھالن اُتے مبارکباد دتی۔ ملاقات وچ دوناں ملکاں دے وچکار تعلقات، میڈیا دے شعبیاں وچ تعاون دے ودھا سنے مختلف امور اُتے تبادلہ خیال ہویا۔ وفاقی وزیر اطلاع نے ایس موقع اُتے گل بات کر دیاں ہویاں آکھیا کہ مس انفارمیشن، ڈس انفارمیشن تے فیک نیوز پوری دنیا دا مسئلہ اے تے ایس اُتے قابو پان دی لوڑ اے۔